السلام عليكم
ردى ياختى السلام احسن ماازغدك فى قلبك
مستعجلة على اية ماهو شعرك بايظ من زمان هتصلحيه فى دقيقتين
اولا احب اعرفكم انى اول واحدة شعرى كان باظ متعرفوش اتحسد
ولا الانيميا كالتة
الموهم يابت يافتوكة منك ليها
والله ربى شعرى نزل لدرجة انى فكرت انه عندى كانسر ربنا يعافينى ويعافيكم جميعا
والى يقولى قصية شالله يارب صرصار اعمى يخليهم نايمين وينام فوق رقبتهم الى قالولى قصية
اصبحت معقدة بعد ماقصيتة لانة اصبح هايش وخفيف وكمان قصير
شوفتو الى انا كنت فية
بصى يااوختشى دورة الشهر 3 شهور يعنى متفكريش هنا مصباح علاء الدين وشعرك هيتقلب من ام عتريس لنرمين فى يوم
لالالا اصبرى واستهدى بالله انا والله بتكلم عن تجربة وربى شاهد وحبيت افيدك باللى عملتة لعله خير ليكى
انا بقى لما تعبت بقيت ادعى ربنا اوى انتى كمان ادعي لحد مالقيت دكتور وشيخ بيقول وصفات وواحدة سالتة عن الشعر قالها الوصفة دى والحمدلله
كتبتها وعملتها
نجى للوصفة
اولا تروحى للجزار ايوة الجزار وتقوليلة عاوزة ماسورة
انا بجبها ب3 جنية وفية فتكوات شاطرين بيجبوها ببلاش وفية خايبين هيقولهم اغلى من 3 جنية ساعتها الطمى على وشة وحطى صرصار تحت لسانة وحودى على غيرةوتروحى عند العطار ماتقوليش اية المشاوير دى اسمعى كلامىوقوليلة عاوزة مجموعه الزيوت للشعر بتكون تقريبا ب6 جنية وبالكتير 7 جنيةوهتروحى البيتتعكرتى فى المطبخ وتشوفى معلقة خشب ايدها بتكون مدورة مش عريضة تطلعى النخاع الى فى الماسورة وتحطية فى طبق الومنيا على النار وتهدى علية يسيح ومفيش بيت مفيهوش توم تجيبى 2 راس توم كبار تقشريهم زى الشاطرة وتفرميهم وبعدين تصفيهم فوق النخاع الى طلع من الماسورة وتحطى فوقهم مجوعة الزيوت الى جبتيها من العطارتومام؟؟طبعا كدة محدش تايه عن فوايد زيت النخاع للشعر ولا زيت التوم دول بيطلعو الشعر وبيطولوة وكمان الزيوت من العطار بتكون مجموعه منها زيت جرجير وزيت لوز حلو وزيت زيتون الخ الخوتقومى جايبة برطمان تحطى فية الخلط دى وتقراى عليهم الرقية الشرعية والنخاع لاننا فى الشتا ممكن يتجمدولما تحطيهم على شعرك تعمليهم حمام زيتيعنى تحطى ماية على النار وحبة من الوصفة فى طبق ولمايدفو تدلكى بيهم شعرك واقراى الفاتحة اربع مرات وانتى بتدلكى وتحطى كيس على شعرك وتغطية بفوطة هيفضل محتفظ بالحرارة وبعد ساعه اغسلى شعركوشوفى النعومة وبعد3 شهور هتتفرجى على جمال وطول شعرك وانسى التساقط نسيت اقولك انة اول مرة استخدام هينزل شعر كتير متقلقيش لانة دة الشعر الضعيف والبايظياحبيبتى احنا كدة استفدنا لو شعرك محسود انتى عذتية وكمان قراتى الرقيةولو تعبانى انتى غذتية وكمان قراتى قران وربنا قال وننزل من القران ماهو شفاء ورحمة للمؤمنين يعنى استشفيتى بالعلاج والقرانوالله يابنات الكل بيسالنى دلوات انا عملت لشعرى اية وبقولهم على الوصفة والى عملتها فعلا بتشكرنى ربنا يسعدهم ويسعدكواحبكم فى الله